Nabuhayan na naman ng energy ang mga KimPau sa muling pagpapakilig nina Kim Chiu at Paulo Avelino.

Kaliwa’t-kanan ang pagbalandra ng video ng KimPau na kuha sa event ng isang fastfood chain, partikular sa isang dessert variant na ibinebenta dito.

Nakiliti uli ang excitement ng mga KimPau fans sa duet number ng KimPau na nagpapakita ng kilig nila sa isa’t-isa.

Eto ang signature ng KimPau sa kanilang pagsasama, ang magkaroon ng malagkit na tinginan sa isa’t isa.

Ang holding hands. Ang halos magdikit nilang mga mukha habang kumakanta. At ang tila kiniliting reaksiyon ni Kim na labas lahat ng ngipin sa pagpapakilig kay Paulo.

Bentang-benta naman kay Paulo ang ginagawa ni Kim, na parang hinaharot siya nito. Tila na-miss ni Kim ang ganitong mga ganap nila ni Paulo sa entablado at sa muli nilang pagkikita.

Nagsisimula uling buhayin ng KimPau ang kanilang kilig sa mga fans lalo’t higit dalawang buwan na lang ay mapapanood sa February ng susunod na taon ang kanilang pelikulang “May Love Will Make You Disappear”.

Hiling lang ng mga fans diretsuhin na sana ng KimPau ang pagsasama nila nang madalas. (Rey Pumaloy)